Referendum sun la reforma dla Giustizia: veles ai 22 y 23 de merz

Referendum sun la spartizion dla carieres di vicars y di procuradëures dla republica - La sëntes de vela ie daviertes n dumënia dala 7 nchin la 23 y n lunesc dala 7 nchin la 15.

BULSAN (USP). Ai 22 y 23 de merz saral tla Talia l referendum statel sun la reforma dla Giustizia. Tl referendum vala dla spartizion dla carieres di magistrac, plu avisa danter chëla di vicars y chëla di procuradëures dla republica, che ie scrita dant tla lege costituzionela "Norme in materia di ordinamento giurisdizionale e di istituzione della Corte disciplinare".

Chëi che à l dërt de lité possa lité "Sci" o "No". "Sci" uel dì che n ie a una cun la reforma y nscila per la ntroduzion de carieres spartides per i vicars y i procuradëures dla republica. "No" uel dì refudé la reforma per pudëi mantenì l regulamënt atuel.

Per la validità dl referendum ne n'iel nia de bujën de n quorum minim. La maiuranza dla ujes dates ju ie determinënta.

La veles sarà daviertes n dumënia dala 7 nchin la 23 da sëira y n lunesc dala 7 nchin la 3 domesdì. L vën lità tla sëntes dl chemun de residënza. N muessa tò pea la cherta d'identità o n documënt de identità valif y nce la cherta per lité.