Informaziuns sön la privacy

Informaziuns aladô dl art. 13 dl Regolamënt UE 2016/679 dl Parlamënt Europeich y dl Consëi di 27 d'aurí dl 2016

Le titolar dl tratamënt di dac personai é la Provinzia autonoma de Balsan, Plaza Silvius Magnago 1, Palaz provinzial 1, 39100 Balsan, e-mail: direzionegenerale@provincia.bz.it PEC: generaldirektion.direzionegenerale@pec.prov.bz.it

Responsabl dla proteziun di dac (RPD): I dac de contat dl RPD dla Provinzia autonoma de Balsan é chisc: e-mail: rpd@provincia.bz.it, PEC: rpd_dsb@pec.prov.bz.it

Fins dl tratamënt: I dac dá jö gnará tratá da personal autorisé dl’Aministraziun provinziala, ince te na forma eletronica, cun le fin da pité le sorvisc de newsletter damané. Por chësta rajun gnará i dac conservá ma tan dî che le sorvisc de newsletter é atif.

La basa iuridica por chësc tratamënt é da ciafé tl ademplimënt de n compit che é de interes publich o colié al eserzize de podëis publics che ti é gnüs surandá al'Aministraziun provinziala aladô dl articul 6, paragraf 1, lëtra e) dl Regolamënt UE 2016/679. La porsona interessada pó dejativé te vigni momënt le sorvisc de newsletter tres le link che é da ciafé laite. Les porsones inciariades dl tratamënt di dac é les direturies y i direturs respetifs dles strotöres provinziales che ativëia les newsletters relatives te sües sëntes.

Por ciafé fora sce l'oferta informativa é d'interes efetif por les anuzadësses y i anuzadus, y sce al é debojëgn da fá mioramënc, vëgnel relevé dac generai nia referis ala porsona singola, dantadöt de natöra statica. Por chësc vëgnel trat adöm dac y informaziuns tres les funzionalités normales dl server y adorá por fá statistiches y analises.

Comunicaziun y destinatars di dac: I dac ti pó gní lasciá alsavëi a sogec che pîta sorvisc por la manutenziun y gestiun dl sistem informatich dl’Aministraziun provinziala y/o dl sit Internet istituzional dl Ënt, y chël ince tla modalité cloud computing. Le cloud provider Microsoft Italia Srl, che ti fornësc ala Provinzia le sorvisc Office365, s'á tut dant aladô dl contrat da ne trasferí nia i dac personai defora dal'Uniun Europeica y dai Paisc dl raiun economich europeich (Norvegia, Islanda y Liechtenstein), zënza les garanzies adeguades preodüdes dala seziun V dl Regolamënt 2016/679. I destinatars di dac nominá dessura á la funziun de responsabli esterns dl tratamënt di dac o operëia daldöt autonomamënter coche titolars dl tratamënt independënc.

Trasferimënc de dac: Al ne vëgn nia fat d'atri trasferimënc di dac te Paisc defora dal'UE.

Difujiun: Canche la difujiun di dac é obligatoria por ademplí dovëis spezifics de publizité preodüs dal ordinamënt varënt, ne vëgnel nia aziché les garanzies preodüdes da desposiziuns de lege por la proteziun di dac personai che reverda la porsona interessada.

Dorada: I dac gnará conservá tan dî cina che l'anuzadëssa/l'anuzadú dejativëia le sorvisc de newsletter. La dejativaziun vëgn a se le dé tres le link che é tla newsletter.

Prozes de dezijiun automatisé: Le tratamënt di dac ne se basëia nia sön n prozes de dezijiun automatisé.

Dërc dla porsona interessada: Aladô dles desposiziuns de lege varëntes pó vigni porsona interessada ti rové pormez te vigni momënt sön domanda a sü dac; sce ara i arata falá o nia complec póra damané che ai vëgnes mudá y integrá; ara pó damané che ai ne vëgnes nia elaborá, che ai vëgnes straicá o che al vëgnes limité l'elaboraziun tan inant che al é preodü dala lege. Tl ultimo caje pó i dac personai che é oget de n'elaboraziun limitada, stlüt fora süa conservaziun, ma gní tratá cun l'autorisaziun dla porsona che fej domanda por fá avarëi, eserzité o defëne dërc legai dl titolar, por la proteziun di dërc de terzi o por rajuns de n gran interes publich. La domanda é a desposiziun sön chësta plata web: https://www.provincia.bz.it/it/amministrazione-trasparente/dati-ulteriori.asp.

Mesi legai: La porsona interessada pó dé jö na reclamaziun pro le Garant por la proteziun di dac o fá recurs pro l’autorité iurisdizionala, sce ara ne ciafa nia na resposta te 30 dis da canche ara á dé jö la domanda, ater co sce le termin vëgn arlungé cun motivaziun cina a 60 dis por rajuns liades ala complessité dla domanda o ajache al é tan de domandes.

Ultimo ajornamënt: 03/11/2026